Ишколан кулгалхочун декхараш кхоачашдечунна гӀод техар, паччахьалкхенна зе дарах
Дешара моттига, хиннача кулгалхочунна гӀод техар бюджетера ахча лочкъадарах, из ахча болхлошта алапи далара лаьрхӀа дар, аьлар «Сердало» газетага ГӀалгӀай Республикан тӀахьожама боахаме.
«ГӀалгӀай Республикан Наьсарен кхален судо чӀоагӀдир, 2023 шера ГБОУ №4 йолча Яндарерча ишкола кулгалхочун декхараш кхоачашдеш хинначун гӀулакх, цо вӀалла балха воацаш вола кхо саг хьаийцав, уж цӀаккха а шоай балха моттиге хулаш е болх беш хиннабац. Царна дӀахьожадеш дола алапи цо ший гӀулакха леладеш хиннад. Цу тайпара, 2023 шера наджгоанцхой беттагара кӀимарса беттага кхаччалца, ший балха тӀа хилар юкъе а доаккхаш, цо бюджетера 305 эзар сом лочкъадаьд», - аьлар мехка прокуратуре.
Судо чӀоагӀдир, паччахьалкхен зе даь хилар, из меттаоттадйӀтар цунга, цул совгӀа декхарийла йир 120 000 сом гӀод дӀатакха.
