«Кхаь оагӀонах латташ хургда ловзар: хоржама - укх бетта 20-ча – хьатӀабоагӀача бетта 10-ча деношка, кийчон - 11-ча денгара ахкан тӀехьарча бетта 10-ча денга кхаччалца, тӀеххьардар - ахкан тӀехьарча бетта 11- гӀа ди – гуйран хьалхара бутт, 2025-гӀа шу.

ШоллагӀча оагӀонца доакъашхой дакъа лаца деза кхоллама яхьашка, иштта Россе тӀема исторецара бувзам гойта беза. Вай мехкара даьх, наьнах, 12 шергара 16 шерга кхоачаш долча шин берах латташ бола дезал хоржаргба ловзаре федеральни оагӀонца вай мохк дикача оагӀорахьа дӀагойтаргболаш»,- йоах тхога бенача хоамо.

Белгалдечох, яхьаш чакхйоалаш, тӀема оагӀонцара «Даьхен лорбой никъ» яха, СВО ветеранаша хьалхале лелаеш долча ловзаре шоай говзал гойтаргья бераша. «Дезала зарница» яхача ловзарца дувзаденнараш дийцар из вӀашагӀделлараша дӀайихьача кхетаче.

Цу юкъе бар «Даьхен лорбой» яхача ганза кулгалхой, «Хьалхарчар болам» яхача оагӀон доакъашхой, «Къона эскархой», СВО ветераний Союз, «БӀухо» яха тӀема- спортацарча кийчон викалаш, кагирхой Даьхенцара безам чӀоагӀбарах бола оагӀув, СВО ветераний Ассоциаци.