Шин даькъа йийкъа, дӀахьоча дикача яхье дакъа лаца таро йолаш ба, шоай коашка зизаш дӀадувш, цу даькъ тӀарча кхоллама балха тӀа къахьегаш, хозал еш, тайп-тайпара зӀамига гаьнаш, кӀотаргаш дӀайогӀаш бола нах», - йоах хоамо.

Белгалдаккха деза, ГӀалгӀайчен шахьарашка, кхыча юрташка дукха ба шоай коа-карта, бахача доазон тӀа уж моттигаш тоаеш, царех зизай ареш еш бола нах.

Хьалхарча аргӀагӀа, аьтинга бетта 28-ча денгара кӀимарса бетта 28-ча денга кхоачаш, 2024 шера цу моттигашта мах оттабергба, дикагӀа бола къахьегам белгалбеш. 2024 шера кӀимарса бетта 29-ча денгара маьцхали бетта 28-ча денга кхоачаш, белгалбергба зизай яхьашка котбаьннараш. Уж хургба дикагӀча иттанена юкъеболхараш.

Цу даькъ тӀарча говзанчашта дала лаьрхӀад дикка ахча. Масала, хьалхарча моттигах 300 000 сом, шоллагӀа моттиг – 200 000 сом, кхоалагӀъяр - 150 эзар сом.

Цул совгӀа, йиълагӀча моттигагара иттлагӀча моттигага кхаччалца барашта, 50 000 сом хӀаранена лургда.