Дуненна цӀихеза спортсменаш яхьебаргба ГӀалгӀай мехка
Ший лоӀамеча кӀалкхетаргах латара, вӀаший эдаьча латара (ММА) цӀихеза спортсменаш латаш хургба «Магас» спорта ЦӀагӀа, яхаш, дийцар «Сердало» газетага ГӀалгӀай Республикан физически культуран, спорта Министерствос.
«ХьатӀадоагӀа кӀира чакхдоалаш, ГӀалгӀайче дукхача наха сатийса Къаман лиган (NatӀonal FӀghtӀng League) латар дӀахьоргда. БархӀ са болча метта тӀа (октагон) хьалхале яккха хьожаргба пхезза чемпион вола Лопес Михаил, шозза олимпийски чемпион вола Садулаев Абдулрашид, эшаванза вола самбист Белхарой Руслан, Магомедов Магомед, Олимпийски ловзарашка котваьнна Сидаков Заурбек, Россе волаш вола чемпион Зукаев Анзор»,- хоам бу газетага.
Кхетачен хьаьший хургба Лопес Михаил, Садулаев Абдулрашид, иштта кхы дукха спортсменаш.
Белгалду, яхьашка дакъа ца лоацаш дикка ха яьккха Емельяненко Александр латара кӀувса тӀа варгва.
