Майски оалача юртарча СОШ МБОУ дешархочоа Хьаьшанаькъан Раянайна, Мочкъий-Юртарча №3 йолча ишкола дешархочунна Малсаганаькъан Раянайна дошо майдилгаш елар.

Кхален кулгалхочо Гаглоев Алана ше елар цу шин йиӀига майдилгаш, уж даькъалабийцар, дӀахо дӀахьоргболча вахара наькъ тӀа цар толамаш дахар ловш.

«Кхалено, дас, нанас, шоай хьехархоша, къаьстта аз доаккхал де йиш ярех да шо. Аз даькъаладувц шо вахарерча цу дикача наькъаца, кхы доккхагӀа толамаш даха аьттув хилба шун», - аьлар Алан Сардионовича.

Цо иштта баркал аьлар цар хьехархошта, уж иштта дика кхебаьча даьна, нанна.

Дошо майдилгаш - из боккхача къахьегама, ишкол яьккхача къоначар начӀала чаккхе я.

Лакхаленашка кхача аьттув балба шун, дӀахо дӀахьош долча шоай вахаре!