«Тахан дипломаш бедехкараш ба «Хоамий гӀирсаш а программировани а», «Дохкача хӀаманна, деча гӀулакха кулгалдар»», «Автомобилашта технически гӀулакх дар; мотораш, чоалхаш, маьженаш тоаяр», «Юртбоахама техниках пайда эцари тоаяри», «Химически цхьанкхетарашта тохкам беча тӀахьожама никъ» яхача оагӀонашка гӀолла дешар чакхдаьккха студенташ», - дийцар тха газетага.

Геттара дог гӀоздаьнна; хьехархошта, шоашта гӀо деш лаьттача даьшта, ноаношта доккха баркал оалаш; бар селханара студенташ. Нийса никъ хьехаш, кхетам лакхбеш лаьттача хьехархошца, колледже байзарашца; безаме Ӏадика ювцаш бар уж. Кердача, боккхача новкъа баьннача кагирхошка хьежаш дукха да, тӀатеӀӀа къахьегаш, вахаре накъадаргдолча гӀулакха тӀара аьттув лаха лаьрхӀа ба уж.