Шоай лоархӀаме экзамен дӀалуш ба, ишколаца Ӏадика ювцараш
Шоай лоархӀаме экзамен дӀалуш ба, ишколерча вахарца Ӏадика йийцараш. Кхыйолча моттигашка санна; биологех, исторех, доазол арахьарча къамий меттаех йола экзаменаш я тахан вай мехка дӀахьош. Из хоам «Сердалога» бир дешареи Ӏилмани гӀулакхех йолча министерствос.
«Экзаменаш дӀахьош йолча вайцигарча итт моттиге цаӀ йола паччахьалкхен экзамен дӀалуш ва 1728 совгӀа дешархо. Боккхача мехкара дукха болхлой тӀаэза, дӀахьош да из лоархӀаме гӀулакх. Кхыча мехкашкарча тӀахьожача болхлоша, лаьрххӀа оттаяьча комиссе терко еш дӀалуш я экзаменаш», - йоах тхогарча хоамо.
Вайна ма харра, керттера юхьиг дӀабахача бетта 23-ча дийнахьа йолаеннай. Кхоана хургболча студенташа дӀаеннай физиках, информатиках, обществознанех йола экзаменаш. Беркате хилба цар дӀахо дӀахьош бола никъ!
