Дешархоша эрсий меттах ЕГЭ дӀаелар
ГӀалгӀайчен дешархоша дӀаелар эрсий меттах йола ЕГЭ. 2549 дешархо тӀаийцар экзаменаш дӀаялара 11 пункто, цу юкъе бар 434 могашал яйнараш, яхаш, дийцар «Сердало» газетага мехка дешара, Ӏилман Министерствон зарбан болх лелабераша.
«Эрсий меттах экзамен, юкъара дешар дийша хилара аттестат хьаэцара керттерчарех дола Ӏилма да.
Аттестат хьаэцара эша эггара кӀезигӀа йола баллаш - 24, дика дийша хилара аттестат хьаэцара - 70 баллал кӀезигагӀа йоацаш хила еза.
Шоаш малагӀа баллаш яьхай берашта ховш хул аьтинга бетта 14-ча денал тӀехьа доацаш», ӀӀ аьлар тхоца къамаьл даьчо.
Кхы гаьна яц, аргӀанара экзамен дӀаяла еза ха а. Маьтсела бетта 31-ча дийнахьа дешархой цаӀ йола экзамен дӀаяла езаш ба математиках.
Дийша баьннарашта йола йӀайха ханаш дӀахо дӀайолхаш я.
