Цу кхетаче хила йиш йолаш ба искусство езараш санна, цига хьажа безам бараш а, яхаш, дийцар «Сердало» газетага из болх вӀашагӀбеллараша.

«Керда бутт хьатӀабоагӀаш, ГӀалгӀайчен Паччахьалкхен исбахьален искусствай музее тӀаэцаргба мехка бахархой а хьаьший а, царна довзаргда начӀал долча Гадаборшанаькъан Заремай балхаш. Хьажар деча зале го йиш хургья тайп-тайпара чулоацам бола 35 болх», - аьлар газетага культуран болхлоша.

Музея викалаша яхачох, уж балхаш де Заремайна дийзар массехк шу.

Цо ший тайпарча говзалах пайда эцаш, дӀахьу ше беш бола болх.