Наьсарера гӀап мишта кхеллай дувца каьхаташ корадаьд
25.03.2024 09:24
Кхерах яьча Наьсарерча гӀапа массехк бӀаьшере хьалха из кхолла даь хинна йоазош тохкаш, болх дӀабихьар «АСМ Групп» яхача оагӀон историкаша. Из хоам «Сердало» газетага бир Москверча вай массазарча викалаша.
«Крепость тоаеш бола болх мишта дӀабахьа беза гойтаргда архиверча каьхаташа. Проекта хьалхалаттараш - «САФМАР», «Меттаоттадар» яха гӀо деш йола ганзаш»,- йоах тхогарча хоамо.
КӀоарга истори долаш йола из моттиг, ший хила еззача беса тоаяь яьлча, дукха хьаьший, бахархой тӀалатташ хургья. Вай лоаме дукха моттигаш я селханарча исторе тешаш хинна латташ, ишттача мугӀаре дӀаоттаргья, тоаяь яьлча, Наьсарера гӀап а. Лоамашка санна, дукха туристаш тӀалатташ хургья из а.
