Долтмарзанаькъан Халитах турпал хилар, чемпионий Кагирхой лиге
02.10.2025 11:47
Гӏалгӏайчера Долтмарзанаькъан Халит котваьлар, дика толамаш гойта, чемпионий Кагирхой лиге. Цо дика спортивни говзал гойт, «Динамо Тбилиси U-19» ФК чувоагӏаш, яхаш, дийцар «Сердало» газетага Гӏалгӏай Республикан футбола Федераце президента Хьулахой Хаважа.
«Цкъа хьалхагӏа Халита кертаца чутехар бургац «Зрински Мостар» ФК наӏарех. 7-гӏа минот йолаш хьалхара гол чуяьккхар. Шоллагӏа бӏал дӏахьош Тбилисе тоабацарча нападающе бургац боснийций наӏарий цхаралга кхаьчар юха а. Футболиста дир из лаьрххӏа, цо гойтар ше мел начӏал долаш ва. Юххера а, Долтмарзанаькъан футболиста чутехача кхаь бургаца юкъе дакъа лаьцар ФК «Динамо Тбилиси U-19 юкъе волаш», – аьлар хоамо.
