Россе боксах йолча яхьашка белгалваьлар Малсаганаькъан Хьамзат
14.05.2025 10:57
Боксах йолча Россе йоккхача яхьашка котало яккха аьттув баьлар вай мехкахочун Малсаганаькъан Хьамзата. Из хоам «Сердалога» бир минспорте.
«Чехове дӀайихьача яхьашка, гулвеннавар 500 совгӀа боксёр, 75 моттигера бар цу юкъе дакъа лоацаш хиннараш. 57 кг дозал дарашта юкъе дикка белгалваьлар вай мехкахо. Борза майдилг яккхарах, Россе ондаргий гулъяьча тоабанна юкъевихьар спортсмен», - йоах тха газетага кхаьчача хоамо.
