Вай мехкара Хамхой Хоасбулат, Гуржий мехка ший спортацара бувзам чӏоагӏбеш ва
12.09.2025 13:14
Вай мехкара Хамхой Хоасбулат Гуржий мехка ший спортацара бувзам тоабеш, чӏоагӏбеш ва. «Мерани Мартвили» яхача футбола тоабан юкъе белгала волаш, ловзаш ва вай мехкахо.
«Сердалога» из хоам бир футбола Федерацена хьалха латтача Хьулахой Хаважа. «Спраери» тоабанца хиннача тӏеххьарча ловзаре ший тоаба кӏалйитанзар Хоасбулата. Шоллагӏча тайме шоашкахьа чутохаш хинна бургац юстаркхосса аьттув баьлар цун.
Чот 1:1 йолаш, чакхдаьлар ловзар», - йоах тхогарча хоамо. Укх беттарча 15-ча дийнахьа «Динамо Тбилиси-2» яхача тоабанна духьала ловзаш хургья «Мерани Мартвили».
