Болх луш йолча ярмарке гӀолла, къахьега моттигаш кораергья наха
26.06.2024 09:06
«Россера болх. Аьттув луш йола ха» яхача бахархошта къахьега моттигаш луш йолча ерригача Россе ярмаркан федеральни дáкъа дӀахьоргда Наьсаре 28-ча дийнахьа. Из хоам «Сердалога» бир къахьегама гӀулакхех йолча Министерствос.
«Вай мехкарча болх Ӏалашбеш йолча 25 моттиго 500 совгӀа хьаде хӀама Ӏалашдаьд из доацаш леларашта», - йоах хоамо. Ярмарке хьавенача сага тайп-тайпара керда моттигаш йовзаргья, ший дега ма хетта бола болх лаха а вӀаштӀехьадаргда. Ярмарка дӀахьоргья итт сахьатагара диъ сахьат даллалца, кхетама хьал лакхдеш йолча Наьсарерча моттиге укх адресах: Победа урам № 58 (цӀермашиннаькъа вокзала юхе).
Къонабарашта пайда беш, беркате моттиг я из. Болх лахарал совгӀа, дуккха керда нах бовза, хьоашал тасса йиш я ишттача моттиге.
