ТӀемхошта оттадаь сийленгаш цӀендеш ба къона эскархой
Боккхача тӀема доакъашхошта оттадаь сийленгаш цӀенде, царна кулг тоха арабаьлар МагӀалбикера къона эскархой. Шахьарерча дагалоаттама, сийлен моттиге лостам беш хилар уж, шоай кулгалхо йолча Бохтаранаькъан Мадинайца.
«ХӀара шера тӀема доакъашхошта оттадаь сийленгаш цӀенде арабоал къона эскархой. Ишттача наькъаца вай кхувш латтарашта дикагӀа довзаргда тӀема истори, вай селхане. ГӀадвугаш да, берашта из болх беш хоза хетар. БӀухошта оттадаь хӀара улг, хӀара сийленг лакха лоархӀам бе безарех да. МоастагӀа вохавеш лаьттача вай сийдолча бӀухой цӀераш дагалоацаш, дӀахьош бола болх ба из», -дийцар «Сердалога» Бохтаранаькъан Мадинас.
Цу моттигера йокъаенна гаьнилгаш, йоархӀаш дӀайоахаш, сийленгаш, чурташ дулаш, зизаш дагӀача моттигий куц тоадеш, къахьийгар къонача эскархоша. Шахьара бахархошта геттара боча моттиг я из.
