ГӀалгӀайчен къона эскархой дакъа лоацаш ба «Котало» яхача тӀема-спортивни ловзарашка
ГӀалгӀайчен къона эскархой дакъа лоацаш ба «Котало» яхача Ерригроссийски тӀема-спортивни ловзарашка, уж дӀадоладелар Алабино яхача Москван юхерча полигоне. Цу яхьашка дакъа лаца гулбелар вай мехкарча моттигашкара эзараш совгӀа кагирхой.
«Ховш хилалаш, вай мехка эшаш ба шо санна бола майра, начӀал дола, къона, халача хьалашка чакхбувла, шоай Даьхен кхерамзле лораяра кийча бола нах», - цу дешашца йистхилар царга Россе Герзашцарча низий министр Белоусов Андрей.
ТӀема-спортивни «Котало» яхача ловзаро вӀашагӀтох пионерски «Зарницан» Ӏадаташ, кхувш йоагӀача тӀехьенна таханарча заман кхетам балар а цунна чудоагӀа. Из ловзар дӀахьош хилара бахьан да, берий Даьхенцара безам совбаккхар, физически культура дегӀайоалаяр, кагирхошта юкъе кхерамзлен Ӏалашо яр.
«Котало» кагирхошта кхетам балара даькъ тӀа лоархӀаме да, хӀарман хьинар а, низ а, сатем а совбоаккх цо. Цу ловзаро таро лу хургбола Даьхен бӀухой кхебе.
