«Уж шоайла вӀашагӀтохар ба Даьхенцара безам, шоай мохк безаш хилар. Къонача эскархоша дика дакъа юкъехьу СВО доакъашхой хьаллоацаш, тайп-тайпара дешаш кхоачашдеш», - аьлар ГӀалгӀай Республикан кулгалхочо Келаматанаькъан Махьмуд-Ӏаьлас, къона эскархой даькъала бувцаш.

Цо белгалдир, шоай боккхагӀа болча новкъосташта гӀо деш; лаьттах тол яьккха, цу чу багӀача салташта сердал хургйолаш кӀерамаш кийчду, иштта атта доацача хьалашка болча царна йӀовхал хургйола таронаш кхолл.

Хьулавеш дола цхаралаш ду, дарбане бола хьонк гулбу, из дӀабохьийт тӀема мугӀарашка латтача салташта, цар иштта новкъостал ду берий ловзарий майдашка болх байтача даькъе, уж а лаьрхӀа да тӀема операце дакъа лоацаш болча бӀухой дезалашта.

Иштта къонача эскархоша дакъа лоац, бӀухошта лаьрхӀа гуманитарни новкъостал деча. Цар, доккхал а деш, дакъа лоац Даьхенцара безам совбаккхара лаьрхӀа дӀахьош йолча кхетаченашка.

ДукхагӀа дола бераш, «Къонача эскара» ишкола яьккха хилар бахьан долаш, шоаш доккхий хилча, Россе эскаре Даьхе лорае долх, цо хьагойт цар Даьхенцара безам.

«Цу болама кулгалхочунна Бохтаранаькъан Мадинайна баркал ала безам ба са, кӀаьд ца луш, кхувш йоагӀа тӀехье, Даьхенцара цун безам совбоаккхаш, цо кхееш хиларах»,-аьлар Махьмуд-Ӏаьлас.

Цо дег чура баркал аьлар «Къонача эскара» доакъашхошта, кхетама даькъе толам цар баккхар ловш, сийрда вахар цар хилар дезаш.

Шух хӀаравар майра, низ болаш, ший Даьхе езаш, цун хьашт кхоачашдара кийча волаш хилва!» - аьлар ГӀалгӀай Республикан Кулгалхочо.