Магасерча кулгаш г1ортадаьраша толамаш даьхар шахьара яхьашка
Магасерча кулгаш гӏертадеча кагирхоша шоаш гойтар шахьара яхьашка, уж хетаяь яр Российски Федераце Конституце Денна. Из болх вӀашагӀбеллараш бар культуран, спорта, туризма Центра болхлой, яхаш, дийцар «Сердало» газетага цига дакъа лоацаш хиннараша.
«Яхьаш дӀаяхьара бахьан дар берашта спортивни «армрестлинга спорта оагӀув йовзийтар, иштта физкультура йоаржаяр.
Физически культуран кхетаче дӀайихьар «Марем» оалача гимназе. Цига дакъа лоацаш хилар 50 дешархо, дукхагӀбараш 8-11 классай дешархой бар, уж баьхкабар столицан массайолча дешара моттигашкара. Царех хӀаравар хьежар шоай хьамсарча ишкола сий даккха, иштта цу тайпарча яхьай говзал эца. Цу спортивни хьала мах оттабара декхараш тӏадаьхкар армрестлинга халкъашта юкъерча класса спорта мастера Саганаькъан ИбрахӀима. Из цига хиларах, бераш а гӀаддахадар, яхьаш а лоархӀамегӀа хилар», - аьлар ЦКСиТ.
Чаккхе еш, котбаьннарашта майдилгаш, грамоташ елар.
