«Сийг» яхача театра къонача артисташа хьажархой гӀадбигар
Наьсарен культура Цӏен «Сийг» яхача берий театре Ӏомалучар гойтача концертни программо чӀоагӀа дог гӏоздаьккхар гуйран ярмарке гулбеннарий, из дӀахьош яр Эккажкъонгий-Юртарча №3 йолча ишколе. Къонача артисташа диц дергдоацаш дир хьажархой из ди.
«Тайжача къаман халхарца араяьлар, Ӏадатех баь къаман гӀирс - чокхеш дувха йиӀигаш.
Цар, хӀара гӀа ший тайпара боаккхаш, гӀалгӀай къаман Ӏадатех хила дезача тайпара, халхар дир.
Иштта сакъердаме халхар гойтар цийгаьний гӀирс тӀабийха а. Дог гӏоздоаккхача халхараша, иллеша дикача уйлангахьа вуга боккъонца дола цӀай дир», - аьлар «Сердало» газетага цига хиннараша.
Кхоллама даькъ тӀара болх лелабеча Эккажанаькъан Мадинас кӀезига къахьийгадац, из кийчо еш. Хьехамча ший гӏулакхах дика кхеташ, дог лазаш хиларах, цига Ӏомалуш долча берий таро хул цу тайпара толамаш даха.
