Къона боксёраш Россе хьалхале яккхара яхьашка дакъа лоацаш ба
02.05.2024 09:38
Буро тӀарча яхьашка шоай говзал дӀагойташ ба вай мехкара 2005-2006 шерашка баь боксёраш. Из хоам «Сердало» газетага бир боксах йолча республикерча федераце.
«Укх бетта хьалхара итт ди тӀатеӀӀа кийчо еш, латаш дӀахьоргда вай спортсменаша. Кулаев Бориса цӀерах йолча «Манеж» оалача спорта доазон тӀа шоай говзал гойташ хургва 600 совгӀа спортсмен. Вай республикера цига бахараш ба Хамхой Мухьмад (48 кг), Мейренаькъан Джамалейла (54 кг), Цхьорой Халид (67 кг), Ахтоланаькъан Мухьмад-Амин (80 кг), ТӀонганаькъан Ӏаддал, Хьашанаькъан Аладин (92 кг)», - йоах хоамо.
Спортсменаш кийчбаьраш - Дарсиганаькъан Або, Хамхой Ӏаддал-Къадар, Тиймарзанаькъан Муса, Къоастой Руслан, Леймой Мухьмад, Беканаькъан Ӏийса.
