Вай къона гимнасткаш «Каспийски форда Кубке» бахар, мехка викалаш хинна
06.07.2024 16:41
ГIалгIайчен къона гимнасткаш, шоай хьамсарча мехка викалаш болаш, художественни гимнастика Ерригроссийски яхьашка, Селашкахьа дакъа лаца бахар.
«Каспийски форда Кубок» дIайихьар оршот денга кхаччалца, яхаш, дийцар «Сердало» газетага моттигерча спорта Министерствон зарбан болх лелабеча ГIаппархой Аишас.
«Укх деношка, Алиев Iаьлан цIерагIча спорта ЦIагIа гулбелар Российски Федерацен 23 моттигера спортсменаш, царна юкъе бар ГIалгIайчен вIашагIтехача тоабанна чубоагIараш а», - аьлар тхоца къамаьл даьчо.
Цига вай йиIигаша 8 майдилг яьккхар, царех 2 дошо я, 6 борза я.
