«Россе турпалашта хетаду» яхача цӀайна юкъе дакъа лоацаш ба вай мехкара начӀал дола къонабараш
«Россе турпалашта хетаду» яха Даьхенцара безам чӀоагӀбеш йолча къаман кхоллама программай цӀай-болам дӀадихьар Селий мехка. «Цитадель Нарын кала» яхача исторически моттиге дӀайихьар из кхетаче. Цига дакъа лоацаш яр вай мехкара кхоллама тоаба».
Цхьорой Ӏ. цӀерах йолча Кадетски корпусера ГӀарбакханаькъан Любас кулгал деш йола тоаба, Эбарга-Юртарча культуран цӀагӀарча иллиалархой кружока доакъашхо хилар цига шоай начӀал гойташ. ЧӀоагӀа раьза болаш тӀаийцар хьажархоша вай мехкахой», - дийцар «Сердало» газетага Къаман кхоллама цӀен исбахьален оагӀон кулгалхо йолча Абдурзаканаькъан Аьсета. Селий мехкара культуран гӀулакхех йола Министерство яр цу гӀулакха хьалхаэттар.
Къилбаседа Кавказера, Селий мехкарча тайп-тайпарча моттигашкара дукха адам гулдаьдар цу кхетачено. Селий мехкарча къамий цхьанкхетара Денна, дешара шера хетаяьяр из йоккха кхетаче. Даьхе лораеш латта бӀухой дагалаьца, дезалашта юкъера безам, гӀулакхаш чӀоагӀдара, кагирхой Даьхен сий деш ураоттабара тӀехьа дӀахьош яр кхетаче.
