Къамашта юкъерча культуран гӀулакхех йолча кхетаче, дакъа лоацаш я начӀал дола вай къона тӀехье
![Къамашта юкъерча культуран гӀулакхех йолча кхетаче, дакъа лоацаш я начӀал дола вай къона тӀехье](http://serdalo.ru/storage/IbqN7gYgSOw9HtRM1VfcE5BhBA6ribCpnZrPcQKW.jpg)
Хьазилгий гувнашкарча Москверча элгаца чу дӀайихьача Къамашта юкъерча берий культуран гӀулакхех йолча кхетаче дакъа лоацаш хилар вай мехкара лакха начӀал дола кхувш боагӀараш. Россера, иштта кхыча мехкашкара гулбеннача къонача суртанчаша, актёраша, журналисташа шоай начӀал гойтаргда цига, иштта культуран оагӀонцарча балхах бола боккхий говзанчаш бовзаргба, шоай проекташ кхолла Ӏомалургба.
«Массанега моаршал хоатташ йистхилар Россе Паччахьалкхенна хьалха латташ йола Голикова Татьяна. Шоай начӀал ма дарра гучадоаккхаш, шоашта хетар хьаоалаш, болх дӀабахьа тӀахьийхар цо берригаш. Голикова Татьянас белгалдечох, тайп-тайпара начӀал дола бераш гучадоахаргда цу кхетачено», - дийцар «Сердало» газетага вай мехкарча культуран гӀулакхех йолча министерстве.
Исбахьален кхолламех йолча вай республикерча керттерча ишколера, берий исбахьален, ашарий ишколашкара лакха говзал йола 12 бер да цига дакъа лоацаш. Шоаш Ӏомадаьр массанена дӀагойта, цу оагӀонца къахьегаш бола боккхий говзанчаш бовза, цхьацца Ӏомаде аьттув хургба вай берий.