Европан йоккхача яхьий финале кхаьчар вай къона спортсмен
26.06.2024 09:26
Сербе дӀахьош йолча эллиной-румий оалача латарах йолча яхьашка хьалхабаьннарашта юкъе хилар вай мехкахо. Из хоам «Сердалога» бир спорта гӀулакхех йолча федераце.
«Къоастой Асланбек (45 кг) «Ади Ахьмад» яхача спортклубе кийчо яь ва. Керда Сад яхача шахьаре из котваьлар Венгрерча, Румынерча, Гуржий мехкарча спортсменел.
Эрмалой мехкарча спортсменаца лата кийчлуш ва из тахан», - йоах газетага кхаьчача хоамо.
