«Иордане дӀайихьача Дунен яхьашка 45 кийла дозал дарашта юкъе котато яьккхар «Ади Ахмад» яхача клуба доакъашхочо. Иштта йолча йоккхача яхьашка къаьстта цу латарах вай мехко эггара хьалхара яьккха дошо майдилг я из»,- йоах тхога кхаьчача хоамо.

ГӀиргӀизехьара, ХӀиндехьара, ГӀазакхстанера, Эрмалойчера гулбеннача спортсменашта юкъе лакха говзал гойташ белгалваьлар Асланбек.

«Цу коталонга кхача дукха къахьийгар Асланбека, цун тренераша, ерригача спорта федераце. Вай спорта чӀоагӀа лоархӀаме гӀа ба из»,- белгалдир спорта гӀулакхех йолча Федерацена кулгал деча Белхарой Руслана.

Асланбек, иштта цун тренераш Хамхой Ислам, Манкенаькъан Бек-хан, Оздой Бек-хан цу лоархӀамеча коталонца даькъала бувц дог айденнача бахархоша. ДӀахойодача хана а иштта аьттув болаш хилба цар къахьегам!