Вайцигара къона иллиалархо «Хьо дикагӀа ва!» яхача ахфинале котваьлар
МагӀалбик-Шахьара берий ашарий ишкола дешархой Тутайнаькъан Лина, Адам дакъа лоацаш ба «Хьо дикагӀа ва!» яхача НТВ телеканала проекте. Тутайнаькъан Адам хьалхарчарех цаӀ хилар хӀанз дӀахьош йолча проекта ахфинале кхаьчарех, из Анни Лорак йолча нийсвелар.
«Проекта бокъонех, пхе шера кхелахоша ладувгӀ хӀара проект дӀахьоча хана 10 доакъашхочунга. Царех ахаш, дукхагӀа оаз хьаллаьцараш проекта ахфинале хул.Тутайнаькъан Адам МагӀалбикерча берий ашарий ишкола иллиалархой классе вагӀа, цо цецбаьхар кхелахой «Torna F SurrӀento» яха илли аларца. Тутайнаькъан Лина илли ала дезаш я НТВ телеканале, тов бетта 15-ча дийнахьа 20 сахьат 20 минут яьлча», - аьлар «Сердало» газетага ГӀалгӀайчен культуран Министерстве.
Адам, Лина хьинаре Ӏомалуш ба, шоай хьамсарча шахьаре. «Хьо дикагӀа ва!» яхача проекте цар таро я шоай начӀал дукхача наха гойта, йоккхача сцена тӀа бала.
