«Кхераме боаца никъ» яхача кхетаче, белгалваьлар вай къона суртанча
03.04.2024 11:01
Ерригача Россе дIайихьача «Кхераме боаца никъ» яхача 5-ча кхетаче дакъа лоацаш хилар, Оалкамарча культуран цIагIара къона суртанча ГIарбакханаькъан Адам. Наькъашкарча бокъонех дувцаш йолча цу моттиге, гулденнадар мехкара кIоарга начIал дола бераш.
«Хьалхара лоархIам бола диплом делар, «Сурт» яхача оагIон яхьашка дакъа лоацаш хиннача Адама. Из Iомавеш хиннача Тутайнаькъан Елизаветайна, доккха баркал аьлар. КIоарга, ший тайпара хоза кхелла Адама болх дег чу бижар кхелахошта», - дийцар «Сердалога» Оалкамарча культуран цIен болхлоша.
Наькъашкарча кхерамзленах дар гойта вIаштIехьадаьлар Адама, ше хьинаре къахьегаш хиларах.
