Ишколе даха гӀо дергда вай мехкарча берашта
27.08.2024 11:29
Таро во йолча дезалашкарча берашта, ишколе даха гӀо деш бола «Ишколе даха кийчде бер» яха беркате болам ба вай мехка дӀахьош. Из хоам «Сердало» газетага бир Мехкадаь зарбан болх лелабераша.
«Мел эшаш йола хӀама чуйола 2000 эзар совгӀа тӀормиг ба тӀема операцен доакъашхой берашта, таро эшаеннарашта лаьрхӀа кийчбаьр», - белгалдир мехкадас Келаматанаькъан Махьмуд-Ӏаьлас, из тайпара новкъостал наха мел лоархӀаме да теркалдеш.
Тахан ишколе додача бера мел эшаргбола кхоачам ба тӀормигашка. Белгалде деза, республикан кулгалхоша, хьакимаша тӀема операцен доакъашхой дезалашта терко еш боккха болх дӀахьолга.
