«Дегаза боабашка кӀориг» яха спектакль гойтаргья юха а зӀамигача хьажархошта
20.01.2025 14:41
Республикерча дукхача моттигашка гӀолла го баьккхар Г. Андерсена язбаьча фаьлгах Санкт-Петербургерча режиссёра Озерский С. оттаяьча «Дегаза боабашка кӀориг» яхача спектакла актёраша. Юха а берий театре гойтаргья цар шоай говзал.
Укх бетта 27 - 29-ча деношка цига гуллургба цӀихеза «Дегаза боабашка кӀориг» езаеннараш.
«Из, фаьлг хиларал совгӀа, вайна массанена масал гойташ дола хӀама да. Безам, дега йӀовхал хӀаранена эшилга хьахьокх цо», - аьлар театра болхлоша.
