Гӏалгӏай мехка 11 дийнахьа почте гӏолла 50 эзар совгӏа хӏама дӏаяхьийтар
Наджгоанцхой бетта хьалхарча, вай салоӏаш долча деношка Гӏалгӏайчен почтан болхлоша 55 эзар совгӏа хӏама дӏайохьийташ болх бир, яхаш, дийцар «Сердало» газетага Гӏалгӏай Республикан федеральни почтан гӏулакха зарбан болх лелабераша.
«Цу атта доацача гӏулакха тӏа болхлошта новкъостал деш хилар, оазаца болх лелабеш йола хьаькъал дола оагӏув. Из техкай ӏТ - Россе почтан говзанчаша, хӏаьта Гӏалгӏайче из юкъеяьккхай, балха моттигера белгалонаш дӏа а лоархӏаш. Из кердадар юкъедоаладарах таро хилар болх аттача баккха. Цун дика карагӏдоал наьха баха моттигаш къоастае, нийсача наькъ тӏа хӏама дӏаяхьийта, кулгашца бе безаш бола болх кхоачашбе, юкъе гӏалаташ а ца дуташ», - аьлар хоамо.
«Керда технологеш юкъеяхар бахьан долаш, тха таро хилар салоӏача деношка, хӏама юкъе ца дуташ, болх дика дӏабахьа; цул совгӏа ший ханнахьа нахага йоаггӏача моттигашка каьхаташ, посылкаш дӏакхачийта. Из болх автоматически тӏахьожам болаш лелабеш ба. Тхона керттера да, балха хьалаш лакхача боарам тӏа хилар, цу хьалашка беш бола болх дика хилар», - аьлар Гӏалгӏай Республике гӏолла йолча УФПС кулгалхочо Гаьгенаькъан Ислама.
