Гӏалгӏай мехка кхаь шера 160 км тайп-тайпара вахара хьалаш ӏалашдергда
Республикан 14 юрта укх гаргарча кхаь шера тоаде лаьрхӏад 160 км коммуникацей хьалаш. Из болх дӏахьош ба «Коммунальни болх кердабаккхар» яхача паччахьалкхен программах, иштта «Вахара хьалаш» яхача къаман программа чудоагӏаш. Уж кхоачашъярах дийцар укх деношка, РФ гӏишлошъяра Министерствон кулгалхочун гӏончас Ересько Алексейс кулгал деш, дӏайихьача кхетаче. Цига дакъа лоацаш бар Паччахьалкхен председатела гӏонча Балахой Микаил, гӏишлошъяра министр Иленаькъан Муса, энергетикан министр Султиганаькъан ӏумар.
Гӏалгӏай республикан гӏишлошъяра Министерствон зарбан болх лелабераша яхачох, карарча хана республике цу даькъ тӏа цӏенхаштта тоадара балхаш дӏахьош я Илдарха-Гӏала, хица ӏалашо яра долча даькъ тӏа; иштта Берда-Юрта, 20 км дӏаьха долча даькъ тӏа. Царех Илдарха-Гӏалан 6 урам тӏа балхаш чакхдаьхад. Кхы а болхлой ба укхаза 11 урам тоабе безаш.
«Цу тайпара балхаш Берда-Юрта дӏахьош хиларах дийцача, уж цу юрта дукха хӏама ца эшаш даь даьннад. Юкъара из моттиг йӏаьха я 1,5 км.
Гӏишлонхоша бӏарчча хийцар тишденна доакъош, керда хьасташ дир, давлени нийса лелаяра йола оборудовани оттайир, турбаш чӏоагӏйир. Уж балхаш дӏадихьар Центральни, Подгорни урамашка 7-ча, 13-ча,15-ча мугӏарашка», - аьлар республикан гӏишлон министерстве.
