Москверча ГӀалгӀайчен гойтаме, ийс бетта 5000 совгӀа экскурси хилар
Москвера бахархой, хьаьший бех ГӀалгӀай Республикан гойтамга хьажа; «Росси» оалача гойтама-кхетачен болх йистебалалехь, яхаш, дийцар «Сердало» газетага вай къаман Москверча массазарча викалаша.
«КӀимарса бетта 6-гӀа ди, ВДНХ «Росси» гойтаме-кхетаче ГӀалгӀайче йовзийтача моттига тӀеххьара ди да. Ийс бетта ГӀалгӀайченца ювзаенна 5000 совгӀа экскурси дӀайихьай, республикан культуран истори ма дарра довзийташ, иштта дукха дика боламаш а кхетаченаш а хиннай», - аьлар «Сердало» газетага.
Цу юкъа, бехктокхаме болх дӀахьош хиларах, Россерча 88 мехка бахархошта, хьаьшашта довзийтар культуран истори. Ӏомабир дицлургдоаца халхар де, ГӀалгӀайче бахка таро лу 11 путевка яьккхар, лакхача боараме дӀайихьар 272 культуран, 51 дешара кхетаче.
Иштта мехка гойташ долча даькъ тӀа, эггара зӀамагӀа болча хьаьшаша 2 эзар совгӀа тематически сурт диллар, ГӀалгӀайчен белгалонаш гойташ.
Цул совгӀа, белгалдаккха дезаш да, начӀал долча гӀалгӀай артисташа лоамарой халхар гойтар дукхаза, цунца цхьана къаман искусство гойтар, хьажа баьхкача хьаьшашта.
