ДӀадахача кӀира ГӀалгӀайче цӀи яьнна пхи моттиг нийсъелар
10.02.2025 14:48
ДӀадахача кӀира ГӀалгӀайче пхеннахьа цӀи яьлар, цхьа саг леш моттиг а хилар цу юкъе, яхаш, хоам бу «Сердало» газетага ГӀалгӀайче гӀолла йолча МЧС ГУ.
Цул совгӀа, цу юкъа нах хатарех кӀалхарбоахараш кхозза баха хилар ДТП хиннача моттиге, цига кхаь сага човнаш хилар, цхьа саг велар.
Иштта МЧСа болхлой хилар хьонк баккха бахача байна нах лохаш.
«ЦӀи ялара хьал юхатохара, нах бовргбоацаш, наха човнаш хургйоацаш ма хулла къахьегаш ба ГӀалгӀай Республике гӀолла йолча Россе МЧСа Керттерча урхаллен болхлой, цар вай республикан бахархошца цахаддаш болх дӀахьу из хьалхадоаккхаш», - аьлар чоалханерча хьала Министерстве.
