Цхьан кӀира бархӀнахьа цӀи яьннай вайцига
24.06.2024 11:42
ДӀадахача кӀира, ГӀалгӀайчен МЧС дакъа лаьцар республикерча тайп-тайпарча моттигашка цӀераш дӀайоаеш, яхаш, дийцар «Сердало» газетага цигарча зарбан болх лелабераша.
«Шоай болх дӀахьош, говзанчаша цӀи яьнначара ши саг араваьккхар.
Цул совгӀа, тӀехьарча ворхӀ дийнахьа, моттигерча хатараш хиннача оарцагӀа ухарашка шозза хоам кхаьчар, новкъа транспортаца хьовзам хиннаб, аьнна, цига лозаваь виъ саг дарбанче дӀавигав.
МЧС болхлой шозза цига бахар, ши саг кӀалхарваьккхар. ЦаӀ царех тӀехьагӀа велар», - йоах хоамо.
