Цӏен-нанна йийтта Илдарха-Гӏалий тӏара вахархо суде кхаьчав
20.01.2026 12:06
Ший цӏен-наьнах латаш хинна Илдарха-Гӏалий тӏара вахархо суде жоп дала дезаш ва. Из хоам «Сердалога» бера МВД болхлошкара.
«47 шу даьннача цӏен-нанна качъухача вахархочун духьала гӏулакх хьадийллад Илдарха-Гӏалий тӏарча Прокуратуре. РФ УК 1-ча даькъа 116.1 ст. бехктокхаме озаргва сесага «майра вола» цӏен-да. Белгалде деза, из хӏама бахьан долаш из хьалхагӏа а бехктокхаме эза хиннилга», - йоах тхогарча хоамо.
Тохкама болхлоша белгалдечох, дӏадахача шера лайчилла бетта шахьарерча ишкола юхе, уллув латташ 18 шерга кхачанза йола ший йоӏ йолаш, хиннача сесага массехказа хӏама техай цо. Прокурора цун гӏулакх суде дӏачудахийтад.
