Ший хиннача сесага кхерам тийсар, 240 сахьата Ӏаьдала болх бе оттавир
04.08.2025 15:10
Оалкама вахача 44 шу даьннача cага гӀулакх тохкаш хилар № 11 йолча суда даькъа судхо. Из хоам «Сердалога» бир Ӏаьдала болхлоша.
ДӀабихьача тохкамо гучадаьккхар, из саг укх шера бӀаьсти, Шолжа-Шахьарерча Люксембург Розай цӀерах болча урам тӀа яха ший хинна цӀен-нана йолча урс даьккха чуийккха, ше из ювргья, яхаш, кхерам тувсаш хиннилга.
«Из кхерае дагахьа волаш, кхалсага тӀаювхача кочах ка теха, урс лестадеш, аз ювргья хьо, яхаш, цӀогӀа дийттад цо», - дийцар Ӏаьдала болхлоша.
Кхалсаг, цо аьнначох кхераенна, яьхай. 240 сахьата Ӏаьдала болх бе оттавир судо, урс лестадеш, кхерам тийсар.
