«Магасерча полице болхлой болча латкъа енача кхалсага дийцар; ший хиннача маьро бераш, цар каьхаташ, Ӏаьдалгара хьадоагӀаш дола ахча дӀадаьккхад, цул совгӀа, ше ювргья, яхаш, даиман кхерам тувс, аьнна. Иштта цо белгалдир, дӀабахача бетта 6-ча дийнахьа корта бохабу малар менна волаш ше йолча вена, тешашта гуш урс лестадеш, ше ювргья, яхаш, чугӀийртав аьнна»,- дийцар Ӏаьдала болхлоша.

Магасерча МВД болхлоша сиха лехар зуламхо. Цо дийцар, дов даьннача хана, ше цунга лестабаьр маьчеш тӀаювхаш лелабу Ӏаг ба, дов деш дола къамаьл ше цунга телефона чу яздаьдар, тӀаккха юха дӀа а даьккхар, яхаш. Чуравувлара тӀера хиннача маьра духьала Ӏаьдало гӀулакх хьадийллар, мехкара ара ца вала декхарийла вир.