Герзи, герзаца лелабу гӀирси, наркотикаши лелаяьчоа суд йир
11.12.2024 16:40
МагӀалбика вахархочун суд йир; наркотикаш, герз, герзацара гӀирс лелабарах, яхаш, дийцар «Сердало» газетага мехка тӀахьожам лоаттабечар.
«ГӏалгӀай Республикан МагӀалбика- Шахьара судо наркотикаш - марихуана 300 грамм, клефедрон 1,15 грамм лелаеш хиннача сага гӀулакх чӀоагӀдир. Цо иштта лелаяьй «ХОРХЕ» яхача тепча кIийлен тIа хьаяь травматически тепча, цунца 9х18 калибр йола поатронаш», - аьлар хоамо. Цун квартирера, полице болхлошта аьхки кораяьяр тепча а цунца поатронаш а.
Судо дӀалаьрхӀар цу гӀулакха деррига хьал, цун диъ бер хилар, цудухьа тоавалара йолча колонне чувалла диъ шу ха техар цунна.
