Новосибирске герга истол дӀахьош, дакъа лаьцар ГӀР Къаман библиотекан кулгалхочун гӀончас
Янданаькъан Жамалда цӀерагӀча Къаман библиотекан кулгалхочун гӀонча яхар «Тайп-тайпарча моттигий халкъа культурай тӀехьале дӀахояхьара, лораяра библиотекашта юкъера болх чӀоагӀбар» яха герга истол дӀахьоча дакъа лаца. Новосибирскерча паччахьалкхен областной Ӏилман библиотеке гулбелар уж.
«Книжкай СибрегӀе» яхача халкъашта юкъерча цIайна чудоагӀаш дар вӀашагӀкхетар.
Вай республикан викал хилар, «библиотекан балха тӀа моттигерча халкъий мотт лорабар, дӀахобахьар; ГӏалгӀайчен Къаман библиотекан балха говзал, яха къамаьл деш», - аьлар «Сердало» газетага вайцигарча керттерча библиотекан зарбан болх лелабераша.
Дукхача хана денз, укхаза овла болаш дахача къаман мотт лорабара тӀехьа дукха къахьийгад ГӏалгӀайчен Къаман библиотеко. Цо дӀакхухь тайп-тайпара кхетаченаш, гулламаш, уж хул цу деша хетадаь.
Библиотекан болхлоша даим теркам лоаттабу гӀалгӀай мотт дегӀабоалабара, конференцеш ю, герга истолаш кийчду каст-каста, метта хьал дувцаш, литературани культурани даькъ тӀара гIулакхаш дувцаш.
Цул совгӀа, ГӏалгӀай Республикан Къаман библиотеко даим айхха бувзам лелабу балха тоабашца, урхалленашца, метта хьал дувцаш бола болх соцабаь моттиг хиннаяц.
