ГӀалгӀайчен автодора кулгалхочун гӀончас къамаьл дир дешархошца
ГӀалгӀай Республикан автомобильни наькъий министра гӀонча йолча Хабренаькъан Маккий къамаьл хилар, «Классера вӀашагӀкхетар» яхача проекта чудоагӀаш, Наьсарен дешархошца, яхаш, дийцар «Сердало» газетага «Хьалхарчар болам» яхача моттигерча даькъе.
Тушола бетта 8-гӀа ди дездеш, дунен тӀарча дегӀаахара даькъ тӀа кхалсага малагӀа дакъа дӀалоац яха тема яр йийцар.
Наьсарен №21 йолча юкъерча ишкола дешархошца къамаьл деш, хьаьшас дийцар ший вахарах, балха нийслуш хиннача халонех. Хабренаькъан Маккас, аьттув болаш йола кхалсаг хиларах тарра, берашта мах бола хьехар дир шоай таронаш нийса хьожаяра», - аьлар хоамо.
Из болх вӀашагӀбеллараша лоархӀ, цу тайпара кхетаченаш дӀахьош хиларо бераш Ӏомаду шоашта хьалхашка бехктокхаме декхараш увттаде, шоай аьттув баларах тешаш хила.
