ГӀалгӀайчен культуран министра гӀонча дакъа лоацаш хилар, вӀашагӀтехача культурай кхетачен юкъе
ГӀалгӀайчен культуран министра гӀонча Куртой Макка вай республика гойташ яр, вӀашагӀтехача культурай халкъашта юкъерча кхетаче. Из дӀахьош яр Санкт-Петербурге. Из яр йоккха кхетаче, цига культуран чудоагӀаш дола тайп-тайпара хаттараш дийцар.
«Кхетачен программа чудоагӀаш дар 10 тематически дакъа. ЛоархӀамедар дар БРИКС мехкашкарча культурай министраш цига гуллуш хилар, иштта СНГ мехкий культурай министрий йоккха кхетаче дӀайихьар цига.
Кхетаче хилар, Санкт-Петербурга академически капелла, Зимни элгаца, паччахьалкхен Эрмитажа керттерча даькъ тӀа. Иштта вӀашагӀъеллаяр йоккха культуран программа», - аьлар «Сердало» газетага ГӀалгӀайчен культуран Министерствон зарбан болх лелабераша.
Кхетаче ший болх дӀаболабаьбар тов бетта 11-ча дийнахьа, из дӀабихьар 14-ча денга кхаччалца. Цун цхьа дакъа хетадаь дар культуран даькъ тӀарча криативни оалача таханарча заман оагӀонна.
