ЛоархIамеча сессе дакъа лаьцар гIишлошъяра министерствон кулгалхочун гIончас
«Таьрахьий гIишлон болх: лаьрхIачунгара балхага кхаччалца» яхача, укх бетта 11, 12-ча деношка Москверча «Росси» яхача къамашта юкъерча гойтаме-кхетаче дIайихьача стратегически сессе дакъа лоацаш хилар гIишлой балхах йолча Министерствон кулгалхочун гIонча вола Евкуранаькъан М. Из хоам «Сердалога» бир министерствос.
«Россе гIишлой балхах йолча Министерстве чуйоагIаш йолча «ГIишлош хьалъяр» яха РФ таьрахьий новкъа яьнна моттиг я из болх вIашагIбеллар», - йоах тхогарча хоамо.
ГIишлой балхашта юкъе таьрахьий оагIув лоацаш, гIулакх дIадахьарах дийцар йоккхача кхетаче. Таьрахьашка дерзадар юкъедоаладарах дийцар гIишлой балхах болча говзанчаша, иштта цхьаццайолча гIишлошка хьожаш, гобаьккхар. Кердадараш дIа-хьа эцаш, боккха пайда боаржабеш, дIайихьар из кхетаче.
