Терроризма духьала къовсам лоаттабеча комиссе кхетаче дӀайихьар Шолжа-Шахьаре
28.04.2025 16:02
Терроризма духьала къовсам лоаттабеча комиссе кхетаче дӀайихьар Шолжа-Шахьаре. Дувца оттадаь керттера дош- Коталон 80 шу дизара цӀайга кийчо яр. Из хоам «Сердалога» бир Шолжа кхален депутатий кхела кулгал деча Йовлой Мухьмада.
«Бекарга бетта 9-ча дийнахьа хургдола цӀайцара кхерамзлен хьал дийцар гулбеннараша. МВД «Шолжа кхала», Росгварде доакъашхоша шоаш дӀахьоргболча балхах хоам бир цига. ЦӀай долча, салоӀача деношка массайолча моттигашкара хьал теркалдеш, фе хила дезилга белгалдир кхетаче», - йоах тхога кхаьчача хоамо.
Цул совгӀа, мемориалашка, тӀема бӀухой дӀабехка боахкача моттигашка тӀахьожам чӀоагӀбе лерхӀ мехка. Наьха кхерамзлен хьал лорадара дагахьа юкъедоаладе мел дезараш теркалдир гулбеннараша.
