«Даьхен лорбой» бувзам чӀоагӀбеш ба, архивни балха оагӀонца
19.04.2024 09:51
Республикерча паччахьалкхен архивни балха оагӀонца бувзам болаш, къахьегаш хургба «Даьхен лорбой» яхача ганза моттигерча филиала болхлой. Из хоам «Сердало» газетага бу ганза зарбан болх лелабераша.
«Селхан 55 шу дизача Россе Турпала Келаматанаькъан Ӏалихана истори кердадоаккхаш, дӀаболабир цар шоаш цхьана дӀахьош бола болх.
Цу бувзама керттера декхар - вай къаман истореца дувзаденна мел дола лоархӀамедараш, йизза терко еш, лорадеш дӀадахьар», - дийцар газетага «Даьхен лорбой» яхача филиала болхлоша.
Цар белгалдаьккхар Келаматанаькъан Ӏалихан санна болча сийдолча, деналах бизза хиннача турпалхой истори кердадоахаш болх бар, шоашта тоам беш, доаккхал дайташ да, аьнна.
