ГӀалгӀайчен доазон тӀа, «Мехка сагӀа» даккха доладу тахан
04.04.2024 14:23
Тахан, беза мархий Рамадан бутт йистебала гаргакхаьчача хана, ГӀалгӀайчен доазон тӀа дӀабахьа лерхӀ дикача гӀулакхий «Мехка сагӀа» яха болам, яхаш, дийцар «Сердало» газетага ГӀалгӀай Республикан Кулгалхочун зарбан болх лелабераша.
«Со кхачан даараш дохкача ваха хилар, кийчо мишта ю хьажа. Массаболча, цу гӀулакха юстара боацача, наха: хӀарман моттигашта, дика гӀулакхий ганзашта, рузкъан даьшта баркал оал аз, цар дакъа лацарах», - аьлар Келаматанаькъан Махьмуд-Ӏаьлас, цу гӀулакха мишта кийчо яьй хьежа ше ваьнначул тӀехьагӀа.
Цо белгалдир, цу дикача гӀулакхий боламе дакъа лоацаргда мехка лоӀамхоша, цар хӀара шера а цу тайпара гӀулакх леладу, царна къаьстта баркал а аьлар.
