«Зарница» яха моттигера яхьаш чакхъяьлар
Безам тӀабодаш дола моттигера «Зарница» яхача яхьа дакъа дӀадихьар, цига дешархоша гойтар тайп-тайпара шоашта карагӀдоалаш дар, яхаш, дийцар «Сердало» газетага мехка министрий кабинете.
«Республикан ерригача кхаленашкарча тоабаша шоашта фу карагӀдоал гойтар тӀема-патриотически лостамагӀа. Цу юкъедоагӀаш дар низ хилар, чоалханерча хьалашка сакхетам хилар, майрал гойтар, лаьрхӀачунга кхоачаш хилар, лорий гӀулакх де ховш хилар, тоабанца дакъа лоацаш, де дезачох кхеташ хилар, иштта кхыдола кердадараш довзар», - аьлар тха балха новкъосташа хьабайтача хоамо.
Из болх вӀашагӀбеллараша баркал аьлар «Юха ца тохалураш 03», «Долакоа07» яхача тоабашта, уж ба ерригроссийски яхье республикан сий даккха дезараш. Царна хьалха я «Зарница 2.0», берригача вай мехкахошта лов, вай тоабан цига боккха аьттув балар.
