ГӏалгӀайчен СК кхалнаьха кхело «Кӏай гӀарагӀураш» яха болам дӀабихьар
СК кхалнаьха кхело дӀабихьар «Кӏай гӀарагӀураш» яха дагалоаттама болам, из хилар Магас-Шахьара №1 йолча юкъерча ишкола-берий беша юххьанцарча классашка дагӀача берашца. Болхлоша дийцар берашта цу болама лоархӀамах, цун исторех, бераш ешаш хинна «ГӏарагӀураш» яха байт язъяьча поэта Гамзатов Расула цу юкъе дакъа лацарах, хьоахадир «Сердало» газетага кхетаче яьраша.
«Ардара бетта 22-ча дийнахьа Россе массаза белгалду кӀайча гӏарагӏурай Ди - тӀем тӀа бейнача бӀухоех болча дагалоаттама ди. Кӏай гӀарагӀураш нийсъю сийрдача дагалоаттамца, машарца. Карарча шера болам дӀабихьар Сийлахь-боккхача Даьймехка тӀема Коталон 80 шу дизара хетабаь, иштта Даьхе лораерий Шу хиларца дувзадаь», - аьлар хоамо.
Кхетаче чакхйоалаш, бераш кӀайча гӀарагӀурай сурташ ахкаргаш тӀа а лотадаь, урагӀхийцар сигала. Из болам, дӀадахар дагалоацаш хинна Ӏацар, цо тахан машар а дикал а лоархӀаме хилар белгалдора.
