Дикача лорех дувц наха
Труд врачей, душой болеющих за своего пациента, бесценен. В этом мы еще раз убедились, прочитав письмо жителя города Малгобека Исы Алимовича Эльдиева, оказавшееся в нашей редакционной почте. Читатель Общенациональной газеты «Сердало» решил поблагодарить в своем письме людей в белых халатах, чье отношение к делу он смог оценить, обратившись к ним за помощью.
Шоай гIулакх дика довзаш болча лорий кулгашта кIалха нийсваларах, боккха аьттув хилар Iийсай. Уж нах, духхьала молхашца дарба даь ца Iеш, шоай хозача оамалашца унахо верзаве, цун лазар дайде ховш ба. «Телевидене гIолла дайра сона, вай Мехкадас дикагIбола лораш белгалбеш. Геттара дог хьоасташ, сурт дар из!
Бакъда сона хала хийттар дар, белгалбаьча лорашта юкъе, сайна дарба деш лаьттараш цахилар... Шоай декхараш дизза чакхдоахаш, унахошца къахетаме, безаме болаш лораш ба уж а!» — язду Iийсас.
Цо доккха баркал оал, МагIалбикерча дарбанче керттера лор йолча Сампенаькъан Лидайна. Из цу моттиге хьатIаеначул тIехьагIа, дарбанчера хьал дикача оагIорахьа хувцаденнад.
Массехк шера болх ца беш лаьтта лифт тоадаьд, хьалха, дукха ха йоаккхаш латта везаш хиннача регистратуран болх эргабаьннаб. Хозача дешашца, доккха баркал оалаш бувц Iийсас, цигарча дарбанчера кардиолог ЦIечой Мадина, бIаргий лор йола Пхьилекъонгий Радимхан.
«Шоай деррига вахар унахошта хетадаь нах ба уж! Шоай болх дукха безаш, могаш боацарех дог лазаш, къахьегаш латт уж», — язду Iийсас. Белгалде деза, Iийса лор ЦIечой Мадина йолча учёте латтилга, Пхьилекъонгий Радимхан йолча а каст-каста кхача везаш хул цун.
Цудухьа цунна дика бовз уж лораш. «Лакха говзал йола лор ва, Наьсарерча дарбанче болх беш вола кардиолог Марзбиканаькъан Темарлан. Сога хьожаш хиннав из, цо дIахьожавир со операци е Москверча клинике», — язду Iийсас. Ше яздеча каьхата тIа цо дехар ду, цу лорашта доккха баркал оалаш. терко е яхаш. Оаха, вай унахцIенон министерстве дIахьожаду из каьхат, теша лов, цар цунна терко ергья, аьнна. Цигара болхлой цунца бувзаме бала ловш хуле, цун номер дIалургья оаха.
