«Цу гӀишлон мах ба 474,89 миллион сом, тахан из объект хьалъяь яьннай 63%, болх тӀатеӀӀа дӀахо дӀахьош а ба.

Республикан берий дика таронаш хургья, эшаш дола лорий дарба ший ханнахьа де.

Керттера терко тӀаяхийта еза, бераш къаьстта лазар лацара тӀера хилара, хӀана аьлча, шоаш зӀамига хиларга хьежжа, цамогаш а сиха хул уж», – аьлар Келаматанаькъан Махьмуд-Ӏаьлас, моттигерча унахцӀенон даькъ тӀарча балхах ше дувцаш. Цо иштта белгалдир, эшаш болча гӀирсаца, лорашца Ӏалашо цига яь хилар, зӀамигача берий лазарашта дарба дара, уж шоай ханнахьа гучадахара эшаш мел дар Ӏалашдаьд.