«Судо оттадаьчох, Ӏан шоллагӀча бетта 16-ча дийнахьа Эбарг-Юрта гӀолла, къаракъ менна волаш, машен хехкаш лела саг соцавир Ӏаьдала болхлоша. Теркалде деза, малар менна волаш машин хехкаш, из Ӏаьдала болхлоша хьалха а зийна хиннилга. 

Машин цунгара хьаяьккхай. ХӀанз шозлагӀа ишттача хьале волаш ховаларах, РФ оттаяьча уголовни кодекса 1 д. 264.1 ст. дӀадехачунга хьежжа, бехктокхаме эзар из саг», - дийцар тха «Сердало» газетага прокуратуре.